ចាប់ផ្តើមហើយ បុណ្យទន្លេ រយៈពេល៣ថ្ងៃ នៅខេត្តកំពង់ឆ្នាំង ធ្វើឡើងក្រោមប្រធានបទ «ទន្លេ៖ ផ្សារភ្ជាប់សន្តិភាព ប្រជាជន និងទេសចរណ៍»

ចាប់ផ្តើមហើយ បុណ្យទន្លេ រយៈពេល៣ថ្ងៃ នៅខេត្តកំពង់ឆ្នាំង ធ្វើឡើងក្រោមប្រធានបទ «ទន្លេ៖ ផ្សារភ្ជាប់សន្តិភាព ប្រជាជន និងទេសចរណ៍» កំពង់ឆ្នាំង៖ ពិធីបុណ្យទន្លេ លើកទី៥ បានប្រារព្ធឡើងហើយ នៅខេត្តកំពង់ឆ្នាំង រយៈពេល ៣ ថ្ងៃ ចាប់ពីថ្ងៃទី១៥ ខែមីនានេះដល់ថ្ងៃទី ១៧​ខែមីនា។ ពិធីបុណ្យទន្លេ លើកទី៥ នៅខេត្តកំពង់ឆ្នាំង បានធ្វើឡើងក្រោមប្រធានបទ «ទន្លេ៖ ផ្សារភ្ជាប់សន្តិភាព ប្រជាជន និងទេសចរណ៍»។ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នឹងអញ្ជើញចូលរួមពិធីបុណ្យទន្លេ នៅខេត្តកំពង់ឆ្នាំង នៅព្រលប់ថ្ងៃទី១៦ ខែមីនា ឆ្នាំ២០១៩។

សូមរម្លឹកថា ពិធីបុណ្យទន្លេ លើកទី១ បានធ្វើឡើង កាលពីឆ្នាំ២០១៥ នៅខេត្តក្រចេះ កាលពីថ្ងៃទី១៣-១៥ ខែមីនា។ 

លើកទី២ នៅខេត្តកំពង់ចាម ចាប់ពីថ្ងៃទី១១-១៣ ខែមីនា ឆ្នាំ២០១៦។ បុណ្យទន្លេ លើកទី៣ ចាប់ពីថ្ងៃទី២៤-២៦ ខែមីនា ឆ្នាំ២០១៧ នៅខេត្តស្ទឹងត្រែង។ បុណ្យទន្លេ លើកទី៤ ធ្វើឡើង នៅខេត្តកណ្តាល ចាប់ពីថ្ងៃទី០៩-១១ ខែមីនា ឆ្នាំ២០១៨។